jueves, junio 29, 2017

Valoración da tempada 2016-2017


Estes son a maioría dos libros lidos no período de outubro do 2016 a xuño do 2017 coa súa valoración, totalmente subxectiva, das lectoras do club de lectura de Fontiñas.
Con isto damos por pechada a tempada de lecturas do club ata outubro, que se abrirá un novo ciclo. E tamén damos por pechado este blog. A información das lecturas do club deixará de facerse por medio dun blog persoal e integrarase dentro das redes sociais dos Centros Socioculturais. Boas lecturas.

viernes, junio 16, 2017

"El insólito peregrinaje de Harold Fry" de Rachel Joyce



Seis meses despois de xubilarse e nun vertixinoso descenso cara a depresión, Harold recibe unha carta dunha antiga compañeira de traballo. A noticia impactao de tal xeito que sae da casa coa intención de ir á caixa de correo máis próxima pero comeza unha viaxe que o levará a ir ó encontro da súa amiga  recorrendo toda Inglaterra andando. A viaxe permítelle facer un reconto da súa vida. A súa memoria está chea de frustracións e de situacións onde non estivo á altura das circunstancias. O longo camiño vai axudarlle a poñer en orde o seu pasado. Mentres, a actitude de Harold fará que a súa muller e o seu fillo reflexionen tamén e actualicen a imaxe desa persoa coa que conviven pero que non coñecen.

Artigo no diario "El País"

jueves, mayo 11, 2017

"La estratagema" Lea Cohen



A caída do Telón de Aceiro cambiará moitas cousas en Bulgaria, sairán á luz secretos ocultos durante décadas, e os exiliados poderán regresar ao seu país e reencontrarse con aqueles de quen se viron obrigados a separarse. Un deses reencontros leva a Eva Marínova, unha xornalista de Sofía, a viaxar a Nova York seguindo a pista do seu pasado. Alí irá desentrañando a historia de catro familias búlgaras cuxo destino quedou truncado polas leis antisemitas do tsar Borís III e polo réxime autoritario que se impuxo tras a II Guerra Mundial.

Publicada en 2006 e considerada pola crítica como unha das mellores novelas búlgaras do século XX, A estrataxema é un engaiolante thriller que percorre medio século da historia de Europa oriental.


Léa Cohen naceu en 1942 en Sofía (Bulgaria). Estudou piano e musicoloxía en Sofía e en Utrecht. Entre 1975 e 1979 foi directora da Filarmónica de Sofía. Os cambios políticos de 1989 propiciaron unha reorientación da súa carreira cara á política e a diplomacia, actividades que sempre compaxinou coa escritura. De 1991 a 2001 foi embaixadora de Bulgaria ante a Unión Europea e a OTAN.

É autora de varios libros sobre musicoloxía: Paul Hindemith (1967), Lubomir Pipkov (1969), Monsieur Croche et Monsieur Débussy (1988). Como escritora de ficción, publicou ata a data oito novelas e unha obra de teatro, a máis destacada das cales é A estrataxema (2006), a súa cuarta novela, que foi nomeada para o premio á Mellor Novela búlgara 2006. Actualmente vive entre A Chaux-de-Fonds (Suíza) e Sofía.

[información extraída da editorial "libros del asteroide"]